Julie Berger er psykomotorisk fysioterapeut og spesialist MNFF ved Sunnhordland Klinikken, avdeling Stord. Ho har brei utdanning og lang erfaring som privatpraktiserande fysioterapeut. Ho har eit stort engasjement for faget og pasientane sine, og har gjennom åra teke ei rekkje vidareutdanningar for å styrkje både fagleg og menneskeleg kompetanse.
Ho er utdanna fysioterapeut frå University of Northumbria i England (1998–2001), og har vidareutdanning innan psykisk helsearbeid frå Høgskulen Stord/Haugesund. Ho fullførte Psykosomatisk og psykomotorisk fysioterapi ved Høgskolen i Oslo i 2010, og tok vidareutdanning i kognitiv terapi ved Høgskulen i Sogn og Fjordane i 2013–2014.
Julie har vore spesialist innan psykomotorisk fysioterapi sidan 2015.
Kontakt meg:
Telefon: 47496763
Mail: julie@shklinikk.no
Sunnhordland Klinikken, avdeling Stord
Julie har fordjupa seg i traumeforståing og kroppens reaksjonar på stress, mellom anna gjennom utdanning i sensorimotorisk psykoterapi (kroppsorientert traumebehandling) ved RVTS i 2023–2024.
Ho har særleg interesse for langvarige smerter, og har teke fleire kurs knytt til smerte, migrene, utmatting og samansette helseplager.
I tillegg har ho delteke på ei rekkje kongressar og fagseminar i regi av Norsk Fysioterapiforbund.
Interesseområde
- Langvarige smerteproblem
- Angst og lettare psykiske lidingar
- Hovudverk og spenningsrelaterte plager
- Stress og utbrentheit
- Livsbelastningar
- Traume
Julie har i mange år arbeidd med arbeidsretta rehabilitering, mellom anna gjennom tiltaka Arbeidsretta behandling og Raskere tilbake.
Sidan 2023 har ho vore ekspert i NAV Ekspertbistand, med fokus på tilbakeføring til arbeid og auka arbeidsdeltaking. Ho kan òg bistå verksemder med tilrettelegging og oppfølging ved tilbakeføring til arbeid.
Frå tidlegare har Julie erfaring frå bedriftshelseteneste, samt undervisning og kartlegging av ergonomisk og psykososialt arbeidsmiljø.
Ho har òg undervist i stress og stressmedisin, og er opptatt av å hjelpe pasientane til å finne betre balanse mellom kropp, sinn og kvardag.