Kva er artrose?
Artrose er ein utfordrande og vanleg revmatisk tilstand som er den hyppigaste årsaka til funksjonsnedsetjing hos middelaldrande og eldre. Sjukdomen rammar heile leddet, inkludert brusk, bein og leddhinne. Dei ledda som oftast vert råka er kne, hofte og hand.
Artrose vart tidlegare kalla «slitasjegikt», men dette namnet er misvisande. Ledda treng nemleg rørsle og jamn belasting for å få næring og halde seg friske! Sjukdomen er livslang, men med riktig kunnskap og behandling er det fullt mogleg å oppnå eit fungerande liv med redusert smerte og auka livskvalitet.
AktivA-programmet: Kunnskap, trening og livsstilsråd
Nasjonale og internasjonale retningslinjer anbefaler at alle med artrose i kne og/eller hofte får tilbod om grunnleggande behandling. Aktiv med Artrose (AktivA) er eit kunnskapsbasert program som er det trygge og helsefaglege førstevalet for å meistre plagene.
Behandlinga byggjer på tre hovudelement:
- Informasjon og undervisning: Få kunnskap om kva artrose er, og kva som skjer i leddet. Denne kunnskapen gjev deg verktøya til å ta kontroll over tilstanden.
- Tilpassa trening: Fysisk aktivitet og trening er den viktigaste og mest effektive behandlinga. Dette skjer gjennom eit individuelt tilpassa treningsprogram, leia av ein sertifisert AktivA-fysioterapeut.
Livsstilsråd: Særleg råd knytt til vekta di. Berre nokre få kilo ned i vekt kan betydeleg redusere belastinga på ledda, særleg kne og hofte.
Trening – Ditt viktigaste verktøy
Det finst mange ulike årsaker til svimmelheit.
Fysisk aktivitet er den viktigaste og mest effektive behandlinga mot artrose. Trening reduserer smerte, aukar funksjon og gjer kvardagen enklare.
- Belast leddet klokt: Leddbrusk treng belasting for å halde seg frisk. Moderat aktivitet som turgåing, sykling og symjing er ofte særs bra. Det er trygt å kjenne litt smerte under eller etter treninga, så lenge smerta roer seg ned igjen.
- Styrke for stabilitet: Sterke musklar i lår og sete stabiliserer ledda og reduserer belastninga. Styrketrening skal starte roleg og vere progressiv.
Aktivitet i kvardagen: Prøv å unngå lange periodar i ro, og finn aktivitetsformer du likar og kan halde fram med jamleg.
Sunnhordlandklinikken – Din trygge rettleiar
På Sunnhordlandklinikken er du i trygge hender. Vår tverrfaglege klinikk har sertifisert AktivA-fysioterapeut Sindre Askeland som har spesialkompetanse på artrosebehandling. Sindre er utdanna gjennom den nasjonale implementeringsmodellen AktivA og har brei erfaring med å rettleie pasientar.
AktivA er meir enn eit program; det er ei endring i livsstil som gjev deg verktøya til å ta tilbake kontrollen.
Kontakt oss i dag for å starte ditt AktivA-program hjå Sunnhordlandklinikken!
